ترحيل "هدى عبدالمنعم" إلى سجن العاشر من رمضان
السلطات ترحل د/ هدى عبدالمنعم إلى سجن العاشر من رمضان، مع منع زوجها من زيارتها.
وكتبت بنتها رسالة بما حدث:
"عن احساسنا لما استلمنا حاجة ماما من سجن القناطر ..
لبسها .. ادويتها .. مخدتها
الغطا اللي كانت بتتغطى بيه
كل حاجتها الشخصية
توك شعرها ..
قعدت احاول اشم ريحتها في اي حاجة
اتخيلها في كل اللبس ده
اتساءل هي عاملة ايه دلوقتي من غير كل الحاجات دي
عاملة ايه في سجنها الجديد ؟!
لوحدها ولا معاها حد
محتاجة ايه عشان اجيبهولها
خدوا منها ايه ولا ادوها ايه
مفيش اي معلومة ولا اي حاجة تقولي منين يروح على فين
مخدة ماما مكتوب عليها هدى عبد المنعم
حضنتها وقعدت اكلمها زي المجانين
انت كنت صاحبة ماما طول ٥ سنين ؟!
كنت قريبة منها وبتحط راسها عليكي !!
وانا نفسي في حضن واحد بس ؟!
يا ترى يا ماما حالك ايه دلوقتي ؟!
بتنامي فين ولا على ايه ولا لابسة ايه ولا محتاجة ايه
وجع وجع وجع وجع وجع
يارب صبرنا واحفظ علينا عقولنا يارب"
تعاني الدكتورة "هدى" من انتهاكات وسط ظروف صحية صعبة، منها ما نشره الشهاب سابقا:
ومركز الشهاب يدين الانتهاكات بحق المواطنة، ويطالب بعلاجها والإفراج الفوري عنها.
#مركز_الشهاب_لحقوق_الإنسان