مناشدة من أسرة الشاب "محمود أسعد" الذي تم قتله على يد الداخلية داخل قسم شرطة الخليفة
دي مناشدة لرئيس الجمهورية
ومناشدة لأي حد عنده ذرة إنسانية انه يشير البوست
محمود ابن خالتي شاب عنده ٢٦ سنه خدوه الظباط من ايد والدته في الشارع بلا سبب وعملوله محضر تلفيق في قسم الخليفة
ومنعو عنه الزيارة من يوم الخميس لا تشوفه ولا تدخله اكل بحجه انه عمل مشكله في الحجز ف حطوه في حبس انفرادي تأديب ليه
المفروض كان طالع النهارده النيابة المحامي جه وهو مجاش والقسم انكر ان في جواب بأسمه انه يطلع
بعتنا حد من العيلة يسأل في القسم ف اتصلت قالت لمامته تيجي هي وباباه القسم لمحمود عايز يشوفكم
عشان تروح خالتو القسم تتفاجئ ان محمود م*يت !!!
في حين ان القسم في البداية انكرو وقالو تعبان شوية لحد ما هي فضلت تتحايل عليهم يبلغوها لو في حاجه قالولها البقاء لله
وكانو مصممين يخلو خالتو تمضي وتستلم الجثه بتبرير ان اكرام الميت دفنه وهي رفضت تستلم الجثه وطلبت تشريحها
عشان يتفاجئ اللي دخل المشرحة يبص عليه من العائلة انه م*تعذب لحد ما م*ات
ودا واضح وضوح الشمس في الفيديو من قبل اي تقرير وما خفي كان اعظم
وجدير بالذكر انها مش الواقعه الاولى للقسم في نفس الشهر
وتم تهديد المساجين وذويهم عشان النيابة طلبتهم للشهادة
ولكن ربنا يبارك لكل حد قال كلمة الحق ومخافش
دا ملخص سريع جدا جدا للواقعه وتفاصيلها ولم يتم ذكر اسماء بعينها برغم علمنا بيها عشان ماشين في اتخاذ الإجراءات اللازمة قانونياً
حسبي الله ونعم الوكيل حقه مش هيضيع والله
لله ما أعطى وللهِ ما أخذ، وكلُّ شيءٍ عندهُ
بأجلٍ مُسمّى ولا نقولُ إلّا ما يُرضي ربّنا
إنا لله وإنا إليه راجعون ))
ومركز الشهاب لحقوق الإنسان يستنكر التعامل المتعسف والمخالف للقانون من ضباط قسم شرطة الخليفة ويطالب النائب العام بضرورة فتح تحقيق في واقعة الوفاة ومحاسبة المتسبب فيها
#مركز_الشهاب_لحقوق_الإنسان
