لرفضهم الركوع،
"لفتة تبديل المساجين الذين لم يركعوا
١- نناشد السيد رئيس جمهور مصر العربية السيد عبد الفتاح السيسي
٢-نناشد حقوق الانسان المصريه والعالميه
٣- نناشد وزير العدل
٤- النائب العام حمادة الصاوي
٥- نناشد الاستاذ الدكتور / احمد الطيب شيخ الازهر الشريف
٦- نناشد جميع جروبات أهالي المساجين و صدي البلد
تناشد السيد وزير الداخليه بأن يرفع عنا وعن باقى المساحين الركوع للضباط ونتظلم من قبل المقدم / عصام عبد العزيز رئيس مباحث مركز اصلاح وتاهل دمنهور ٢ الجديد وعندما اعتذرنا عن الركوع رد وقال هو انتو في كنيسة و احنا مترحلين من سجن لمان ٤٣٠ الصحراوي باعتماد من المصلحة علي سجن دمنهور ٢ الجديد عدد ١٠٥ مسجون.
وبعد ١٢ يوم علشان اعترض ٢٣ مسجون عن الركوع قدام ضابط المباحث / عصام عبدالعزيز تم ترحيلنا علي سجن دمنهور القديم وتم اخد كل متعلقانتا الشخصية الي جايين بيها من سجن ٤٣٠ الصحراوي لمان واخذوها مننا في سجن دمنهور الجديد ٢ وتم ترحيلنا علي السجن القديم وتم تبديلنا من السجن الجديد للسجن القديم.
نناشد السادة المسؤولين في مصلحة السجون احنا مترحلين من سجن ٤٣٠ الصحراوي ليمان واخدوا مننا اعتماد علي سجن دمنهور الجديد مش للركوع والإهانة و عندما تكلمنا مع الضابط و المعاون محي ورئيس المباحث عصام عبد العزيز و قلنا له القعده الركوع دي لربنا وحده في التشهد فياريت شيخ الازهر او مفتي الجمهورية شوقي علام يقول لنا الركوع للضباط حلال ام حرام وقاموا بتهديدنا بتغريبنا الي سجن المنيا او الوادي الجديد و برج العرب.
وقالوا هنبهدل اهاليكم والحمد لله لم يركع احد من ال ٢٣ مسجون لرئيس المباحث او معاونيه محي فياريت حد من الجهات المنشودة ان يستجيب لنا بنقلنا مرة أخري الي سجن دمنهور الجديد ٢ حسب اعتماد مصلحة السجون لنا في نقلنا الي سجن دمنهور ٢ بدون الركوع لضابط السجن و معاونيه نرجوا الاهتمام و شكرا لكم جميعا"
ومركز الشهاب يدين الانتهاكات بحق المواطنين، ويطالب بالإفراج عنهم وعن جميع المعتقلين.
#مركز_الشهاب_لحقوق_الإنسان
