في ذكرى مولده، والدة/ الحسيني جلال الدين الحسيني -24 عاما، المختفي قسرا منذ 7 سنوات، أرسلت رسالة لفقدها ابنها منذ أن كان في السابعة عشرة من عمره:
"السلام عليكم ورحمة الله وبركاته
ابني حبيبي وحشتيني اوي ونفسي اشوفك واطمن عليك.
ان شاء الله يوم الاثنين القادم 12 سبتمبر هو عيد ميلادك ال24 منهم اخر 7 سنوات واحنا مش عارفين انت فين كل اللى عارفينه ان الامن اعتقلك يوم 25 مايو 2016 الصبح ومن يومها واحنا هنموت ونعرف مكانك ونشوفك اكيد شكلك اتغير في الست سنوات وثلاث شهور وتسع ايام قادر ربنا يجمعنا بك في اقرب وقت يارب وتكون معافى في صحتك وبدنك وترجع لحضني ياحبيبي اللهم رده الينا سالما معافى يارب العالمين
رسالة الى كل من يستطيع مساعدتي في رجوع ابني الينا ده ابني الوحيد رزقت به بعد 13 سنه مختفي من ست سنوات وثلاث شهور وتسع ايام ده ابني الوحيد ياريت اللي يقدر يساعدني في اني الاقيه قلبي محروق عليه كان في ثانوية عامة بس للاسف اختفي قبل الامتحانات باسبوع نفسي يرجع واطمن عليه تخيلوا كرب بعيد عني لما اختفى كان 17 الان بدانا 24 احسن ايام عمره لما بشوف اصحابه كبروا وشكلهم اتغير بقول اكيد هو كمان كبر وشكله اتغير من الطفولة للشباب بترجي اي حد يقدر يساعدني اني الاقي ابني ميتاخرش نفسي اشوفه واحضنه واتمني من القائمين على اعتقالة الرحمة بام فقدت ابنها الوحيد ماليش غيرة انا عندي 57 سنه ونفسي اشوف ابني ارجوكم ساعدوني ان ابني يرجع ولكم جزيل الشكر"
ومركز الشهاب لحقوق الإنسان يدين الإخفاء القسري بحق الشاب، ويطالب بسرعة الكشف عن مكان احتجازه و الإفراج عنه.
#مركز_الشهاب_لحقوق_الإنسان
